Isumalioqatigiissitaq sulilernissaminut piareerpoq
- Ataatsimititaliami arnanik amerlanerusunik ilaasortaqarnissarput kissaatigiuarsimavarput, Susanne Larsenilu qujanartumik akuersivoq. Air Greenlandimi siulersuisunut ilaasortaanerminit Kalaallit Nunaat ilisimaarilluarpaa, ineqarnermut attaveqaqatigiinnermut angallannermullu naalakkersuisoq, Jens B. Frederiksen, oqarpoq.
Isumalioqatigiissitaq arfinilinnik maanna ilaasortaqalerpoq, Susanne Larsenilu arnartatuaavoq.
Isumalioqatigiissitami ilaasortat pernaammik ullumikkut ataatsimiissapput, ataatsimeereerunillu tusagassiortunit apeqqarissaarfigineqassallutik - tamanna Nunatta Sinniisoqarfiani Københavnimi pissaaq.
Nunakkut, imaatigut timmisartukkullu assartuineq pillugu takorluukkanik Nunatsinni Assartuinermut Isumalioqatigiissitaq aasaru saqqummiussissaaq, takorluukkallu qanoq ilillugit piviusunngortinneqarsinnaanersut ilanngullugit misissussavaat.
