Isumalioqatigiissitaq Narsami ataatsimiilerpoq

Namminersorneq pillugu kalaallit qallunaallu isumalioqatigiissitaat, Jonathan Motzfeldt siulittaasoq siuttoralugu, Narsami arfineq-aappassaa ullumi ataatsimiilerput.

Isumalioqatigiissitat ataani suleqatigiissitap, Lars-Emil Johansenimit siulittaasuuffigineqartup, saqqummiussaa, Namminersornerullutik Oqartussat Inatsisaannut taartaasussaq, ”Namminersornermut inatsisissaq” oqaluuserineqassaaq. Suleqatigiissitap taassuma suliarisarai, Naalagaaffiup Inuiaallu akornanni inatsisinut tunngasut, assersuutigalugu danskit inatsisaat tunngaviusoq aallaavigalugu Inuiattut akuerisaanermut tunngasoq eqqartorneqassalluni.

Suleqatigiissitami ilaasortaapput Augusta Salling, Aqqaluk Lynge, Birthe Rønn Hornbech aamma Niels Helveg Petersen.

Illersornissamut nunanullu allanut tunngasut oqaluuserisassanut pingaaruteqartunut ilaapput. Soorlu Anthon Frederiksenip, Kattusseqatigiinniit, Pituffiup iluanaarutaalluni ingerlanneqarsinnaaneranik apeqqutaa.

Isumalioqatigiinni Per Berthelsen siulittaasumut tulliuvoq, ilaasortat allat tassaallutik, Ruth Heilmann, Kuupik Kleist, Johan Lund Olsen. Danmarkimiit ilaatigut Frank Jensen aamma Christian H. Hansen ilaasortaapput.