Isumalioqatigiissitaq ataatsimiilersoq

Namminersorneq pillugu Ataatsimoortumik Isumalioqatigiissitaq kalaallinik danskinillu ilaasortaqartoq Danmarkimi Skjoldnæsholm-imi ileqquusumik sisamassaa ullumi ataatsimiissaaq. Allattoqarfimmi pisortaq Jakob Janussen oqarpoq, ataatsimiinnermi pingaarnertut kalaallit oqaasiisa namminersorneq pillugu inatsisissami inissisimanissaat oqaluuserineqassasoq.

Taamatuttaaq nunanut allanut sillimaniarnermullu politikkissamut siunnersuutit oqaluuserineqassapput, taakkulu tulliani ataatsimiinnissami septemberimi pisussami oqaluuserineqaqqissallutik.

Aamma namminersorneq pillugu isumalioqatigiissitat suleqatigiissitaasa marluk nalunaarutaat utaqqiisaagallartut saqqummiunneqassapput, taakkunani mineralit aatsitassallu kiisalu aningaasaqarneq inuussutissarsiutitigullu ineriartorneq sammineqarput.

Mineraalit aatsitassallu pillugit suleqatigiissitap nalunaarusiani suli naammassinngilaa, aggustip qeqqanili naammassissangapput.