Isumalioqatigiissitamik isornartorsiuineq akerlilerneqarpoq

Borgmesterit pingasut assartuineq pillugu isumalioqatigiissitamik isornartorsiuinerat Naalakkersuisut akerlilerpaat.Borgmesterit pingasut Siumumeersut assartuinermut ataatsimiititaliap sulinera aalajangersagaareernerarlugu qanittukkut isornartorsiorpaat.

Borgmesterit pingasut isumaqarput Nuummiit Danmarkimut assartuineq pingaartinneqarnerusoq, tassami isumalioqatigiissitap ilaasortaasa affaat Nuummi najugaqarmata affaallu Danmarkimi najugaqarlutik.

Tamatuma saniatigut isumalioqatigiissitap ilaasortaanit arfiniliusunit, ilaasortat marluk Nuummi imarpikkoortaatinut talittarfiliornissamik aamma mittarfiliornissamik immikkut soqutigisaqartut, borgmesterit oqaatigaat.

Taamatut isornartorsiuineq Naalakkersuisut maanna akissuteqarfigaat.

- Assartuineq pillugu isumalioqatigiissitaq Kalaallit Nunaat tamaat isigalugu sulivoq. Aamma nunap immikkoortuini eqqarsaatigisassat isumalioqatigiissitap suliaanut ilaatinneqarput, Naalakkersuisut erseqqissaapput.

Kommunit tamarmik ataatsimiititaliaaqqanut, Isumalioqatigiissitap sulineranut atatillugu ingerlaavartumik tusarniaaffigineqartartussanut ilaanissaannut qaaqquneqarsimasut, naalakkersuisut aamma oqaatigaat.

Taamatuttaaq kommunit tamarmik marsip naalernerani Kangerlussuarmi oqaloqatigiiffiusumik ataatsimiinnissamut qaaqquneqareersut naalakkersuisunit oqaatigineqarpoq.

Naalakkersuisut aamma erseqqissarpaat isumalioqatigiissitap innersuussutini aasaru tunniuttussaagai, taamaalilluni naalakkersuinikkut suliarinerat aallartinneqarsinnaassalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat