Isumalioqatigiissitami qallunaat nutaat
februaarip 15-at 2005 05:41
Namminersorneq pillugu ataatsimoortumik isumalioqatigiissitani danskit ilaasortaatitassaanik nutaanik Folketingi februaarip 22-anni ataatsimiilerpat qinersisoqassaaq.
Qallunaat ilaasortaatitaat pingasut Folketingimut qinigaaqqinngitsut taarserneqassangatinneqarput, tassaasut Erik Larsen Henrik Vestergaard-ilu Venstre-meersut kiisalu Else Theill Sørensen Konservative-neersoq.
Namminersorneq pillugu ataatsimoortumik isumalioqatigiissitaq marsip 15-anni ataatsimeeqqittussaavoq, aatsaalli ataatsimiittoqassaaq qallunaat ilaasortaatitassatik toqqareerpatigit, isumalioqatigiissitat nunatsinni immikkoortuanni pisortaq Jakob Janussen ilisimatitsivoq.