Namminersorneq pillugu isumalioqatigiissitat qaammatip tulliani ataatsimiileruni, nutaanik danskinik politikerinik arlalinnik ilaasortaqalersimassaaq.
Ilaasortaasimasut pingasut Folketingimut qinersinermi qinigaanngitsut Erik Larsen, Henrik Vestergaard Venstre-meersut kiisalu Else Theill Sørensen Konservetive-meersoq taarserneqarput.
Namminersorneq pillugu isumalioqatigiissitami ilaasortanngortut nutaat tassaapput Line Barfod Enhedslistemeersoq, Birthe Rønn Hornbæk Venstre-meersoq, Per Ørum Jørgensenilu Konservetive-meersoq.
Line Barfod, Birthe Rønn Hornbæk-ilu Folketingimi oqallissaarisartutut ilisimaneqarluarput.