Isumalioqatigiissitami ilaasortaq nutaaq

Aallaqqaammut ministeriunerup allaffianiit pappialarpassuit atuassavakka. Siornatigut Kalaallit Nunaanni Aatsitassat Ikummatissallu pillugit Siunnersuisoqatigiit siulittaasuuffiginikuugakkit Kalaallit Nunaanni pissutsit nalunngisaqarfigaakka suliassannilu ilisimasakka iluaqutigissavakka, nalunngilarali aamma Namminersorneq pillugu Isumalioqatigiissiitap suliarujussuaq naammassereersimagaa, angusareriikkallu aallaavigalugit maanna sulilertussaavugut oqaluuserisassat ingerlateqqillugit. Paasissutissat atuareerukkit Isumalioqatigiissitamilu ilaasortaaqatikka atorfilittallu oqaloqatigeriarlugit suliap ingerlateqqinnissaa aallartissinnaalissavarput, suliareriikkalli allanngortinneqarnissaat takorluunngilara.

Neriuppunga Kalaallit Nunaanni Danmarkimilu naammagisimaarneqarsinnaasumik inerniliisinnaajumaarluta, Namminersorneq pillugu Isumalioqatigiissitami ilaasortanngorlaaq Kim Andersen oqarpoq.

Kim Anderseni Danmarkimi naasorissaanermut tunngasunik suliaqartarnikuuvoq, soorlu Dansk Landbrugs Grovvareselskabimi tusagassiisartunut pisortaasimavoq, karrit nerukkaatillu pillugit suliffeqarfiup, KFK-p tusarliiviani aamma pisortaanikuulluni.

Birthe Rønn Hornbechip ministerinngorneratigut Kim Andersen Namminersorneq pillugu Isumalioqatigiissitami ilaasortannguinnarani aamma Venstret sinnerlugit eqqartuussiveqarneq pillugu oqaaseqartartunngorpoq.