Isumakuluuteqarnarnera takornariagassaannavorluunniit

Taamani Kalaallit Nunaanni - ilami Kunngeqarfimmi – inissiat annersaat Nuummiittoq suli napatsiarallassaaq. Taaguuteqarpoq Blok P. Oqaatiginiarneqarporlu karsersuarmi betonimik sanaami, saneraani kalaallit erfalasortalimmi, Kalaallit Nunaanni innuttaasut tamarmik 1 procentii najugaqarsimasut. Qulliit paarilluarneqarsimasut peqatigiiffimmit nutaamit piiarneqarlutik tuniniarneqarput, kalaallit meerartaat pisariaqartitsisut ikiorsernissaannut sinneqartoorutit atorniarlugit. Taakkua tassaapput kattuffiit Nanu Børnitut ittut.

Nalaatsornerinngakkut pisoqaqattaarpoq. Isumassarsisorlu ima oqaluttuarpoq: 

-Ukiup ataatsip matuma siorna Kalaallit Nunaannut nuuppunga. Aatsaallu tikittuulluni assigiinngitsut najogaqartutoqqanit ersarinnerusumik takuneqarsinnaasarput. Blok P isaterneqartussaammat mqimerloorlugu malugaara ilusilersugatsialannik ilaatigut atortulersorneqarsimasoq.  Amerlanerillu ajoquteqanngimmata igiinnarneqarnissaat ugguarisimavara.

Lars Nørby Olesen-ip, Jyllandip avannaaneersup Inissiaatileqatigiiffik INI oqaloqatigigamiuk qulliit tamaasa piiarnissaannut akuerineqarpoq. Taakkua maanna eqqiarneqareerlutik peqatigiiffiup nittartagaatigut tuniniarneqarput. Sinneqartoorutit kalaallit meerartgaannut pisariaqartitsisunut ikiuutissatut atorneqassapput.

-Piffissap sivikitsuaqqap ingerlanerani Kalaallit Nunaat assut nuannarilersimagakku arlaatigut uanga aamma tuniserusuppunga. Pinngitsaaliilluni  nutserisitsiniarluni ataasiinnarmillu isigisinnaalersitsiniarluni sanaartukkap maanna isarterneqarnera arlaatigut pissutsit qanoq ilinerannut takussutissaavoq”, Lars Nørby Olesen oqarpoq nangillunilu: 

-Isaterinerup oqariartuutitut takussutissartaanik kalaallit  maanna meerartaasa – kingulliarsuit - kiffaanngissuseqarlutik nuannaarsinnaallutillu siunissaqalernissaannut oqilisaaqataasinnaanerat soqutiginartippara. Isumaga naapertorlugu silami qulliit ilusilersugatsialaat pitsaanerpaat ilaat tamatuma saniatigut iluaqutigisinnaagaanni tamanut iluaqutissiissapput. Uanga aperigumma taamatut isumaqarpunga, Lars Nørby Olesen qungujulluni oqarpoq. 

Læs mere om projektet på: www.blokp.gl