Isumaginninnermik immikkoortortaqarfiit oqilisaaffigineqarlik
Nunatsinni kommunit pingasuinnaat allatamik malittarisassamik meeqqanut- inuusuttuaqqanullu politikkeqarput. Kommunit marluk politikkissartik suliarileruttorpaat, kommunilli 13-it sinneruttut malittarisassaqanngillat.
Taama ittumik peqartuugunik isumaginninnermik immikkoortortaqarfiit artorsaqisut suliaminnik oqilisaaffigineqarsinnaassagaluartut, KANUKOKA-mi siunnersorti Kesia Bruun oqarpoq.
-KANUKOKA-minngaanniit tamanna kommuninut kaammattuutigisorujussuuvarput. Meeqqanut inuusuttuaqqanullu tunngasunut politikerit taakkuupput siunniussassanik anguniagassanillu allattussat. Taamaalillutik kommunit pingaartitatik sulissutigisinnaassagaluarmatigit, Kisia Bruun oqarpoq.