Isumaginninnermi suliniarnerit suulluunniit tikilluaqqunarput

Siumut ataatsimeersuarnermini anguniarniarlugu aalajangiuppaa isumaginninnermi pissutsit pillugit isumasioqatigiissitsinissaq. Isumaginninneq pillugu, ingammik meeqqat sumiginnakkat pillugit Siumukkut iliuusererusutaat isumaginninnermut naalakkersuisup ilassilluarpai.

-Allanik paasisaqaqqinnissaq iluaqutaaginnaassaaq, Asii Chemnitz Narup oqarpoq.

Partiit isumaginninnikkut qulequttat assigiinngitsut pingaarutillit suliniarfigineqarusunnerat Asii Narupip tikilluaqqunarnerarpaa, siumukkullu siunnersuutigerusutaat utaqqiniarpai.

Meeqqanik isumagisaqarnermi suliallit ukiarmi isumasioqatigiissinneqarneranni siunnersuutit assigiinngitsut inassutigineqarput, inassutillu aallaavigalugit ilaqutariinnut politikkip nassuarneranut atatillugu inatsisartuni ukiamut oqaluuserisassaqarnerarput, taamaammat oqallinnerit suulluunniit inuiaqatigiinni tikilluaqquneqaannartariaqartut, Asii Chemnitz Narup isumaqarpoq.

Meeqqat pillugit suliniarnermi peqqinnissamut isumaginninnermilu suliallit isumasioqatigiinnerup kingorna Siumukkormiutulli Asii Chmnitz Narupip anguniarpaa kommunini meeqqat ajornartorsiutillit saaffiginninniarunik saaffiginniffissaat tassaasasoq isertarfik ataasiinnaq