Isuma TV iluaqutaavoq

Isuma TV-p qarasaasiakkut nittartagaa adresseqarpoq isuma naggat tv. Tassuunaqquullugulu akunnerit 100-t taamannaat atorlugit filmit Kalaallit Nunaanneersut, Canadameersut, Sverigemeersut aammalu Mexico-meersut takuneqarsinnaasut, Atuagagdliutini allaaserineqarpoq.

Isuma TV-mik aaqqissuisut aammattaaq tikilluaqqussutigaat filmiliorsimasut filmiliarisimasaminnik ilanngusseqqullugit. Arlaqaqisullumi taamaalioreersimapput, soorlu ilaatigut Canadamiut filmiliaat ”Atanaarjuaq” kiisalu ”The Journals of Knud Rasmussen” nittartakkami takuneqarsinnaalereerput.

Internetsi aqqutigalugu filminik takutitsisinnaalernermut siunertarineqartutut tunngavilersuutigineqarpoq nunarsuarmi filmiliortartut isiginnaartartullu akornanni ataatsimoorfeqarluarnissaq.

KNR-TV-p Isuma TV aallakaatitassianik paarlaasseqatigiittarnissamik isumaqatigiissuteqarfigeqqammerpaattaaq.