Isukasiani sukannersunik malittarisaqassasut
Aatsitassarsiorfik piviusunngussappat, aatsitassarsiorfimmi sulisut malittarisassaqassapput, ilaatigut imigassartorneq aningaasanoornerlu inerteqqutigineqassallutik.
- Aatsitassarsiorfik imigassaqanngilluinnassaaq isumannaatsuunissarlu nammineerluni isumannaarniarneqassalluni. Sakkortuunik malittarisassaqassaagut. Taakkuninngalu unioqqutitsisut ingerlaannarlutik peersinneqartassallutik, Xiaogang Hu Berlingskemut taama oqarpoq.
Nunatsinni ingerlatseqatigiiffissuanngortussat inooqatigiinnermut angisuumik sunniuteqarnissaat, soorlu atortittartoqalernissaa, pinerlunniartoqarnerulernissaa aamma inuit akornanni aaqqiagiinngittoqarnerulernissaa, Ilisimatuut misissuisut arlallit, ernumanartoqartillugu oqaatigereerpaat.
Aviisip Berlingske Tidendep sapaatit akunnerini kingullerni Nunatsinni aatsitassarsiornerup ineriartorneranik immikkut sammisaqarneranut atatillugu, London Miningip pisortaa taama oqaaseqarpoq.
