Issittup naasui silaannarmut sunniuteqarsinnaasut
Nunarsuatta gradenik marlunnik kiatsinnerunerata pilersitaanik, issoq naasullu nunani issittuniittut gassimik marloriaammik aniatitsisartut, Københavnip Universitetiani ilisimatuunit paasineqartoq, nittartakkami videnskab.dk-mi allaaserineqarpoq.
Gassi nunarsuup silaannartaanut pigaangami, nunarsuatta kiatsikkiartornera sunniuteqarfigisarpaa.
Maannamut ilisimatuut misissuinerisa inernerinit allaalluinnartunik paasisat takussutissiipput.
- Nunarsuatta gradenik marluinnarnik kiannerulernerata kinguneranik, nunap gassimik marloriaammik aniatitsinerulernera tupaallannartuuvoq. Taamaalillluni issittup kiatsikkiartornera pingaaruteqarnerulersussaassalluni, Københavnip Universitetiani, Biologisk Institutimi lektori, Riikka Rinnan taama oqarpoq.
Gassip anianerulernera nunarsuatta kiatsikkiartorneranut qanoq sunniuteqassanersoq, suli maannamut oqatigineqarsinnaanngitsoq taassuma erseqqissarpaa.
Nunarsuarsuatta kiatsikkiartornera minnerulersissinnaavaa imaluunniit sakkortunerlersissinnaallugu.
