Issittup imartaanik kaajallaaniaaluttut saperngupput

Danskit ilisimasassarsiortut Sibiriap avannaani persersorsuunera pillugu Issittup imartaanik kaajallaaniaalunnerminnik unitsitsiinnalerunarput. Angalaqatigiit iluatsitsivillutik illuaqqami kissarsuuteeralimmi maanna saperngupput.

Ilisimasassarsiortut imminnut Polar Passagen 2000-imik taasut, qeqertaarannguani kuussuup Lenap anillagiaata nalaaniittumi nikeriaqqissinnaajunnaaqqapput, anorersuarsuaq nittaalartalissuulluni ulluni arlalinni atuutilermat. Angallatigaat umiatsiaq seks meteritut takissusilik, ammaannartoq, siornatungimigullu qulisalik.

Ilisimasassarsioqatigiit issittup imartaanik kaajallaaniaaluttut angalanertik 1999-imili aallartippaat kittaarlugulu issittup imartaa maanna arfineq-pingajussaa angalaffigalugu. Norgep, Shetlandip qeqertai, Savalimmiut, Island, Kalaallit Nunaat, Sullualuk – Canada Alaskalu Beringstrædekkut avannaqqullugti maanna ingerlaareersimalerlutik.

Siberialli avannaatigut ingerlaarnerat tamaanga killittariaqarpoq, naak 100 kilometerialuinnaat amigaatigileraluarlugit.

Umiatsiap aquuteralaata aquutaa aserorsimavoq, akkumulatoriilu sussaanatik. Taamaammat angalaqatigiit aalajangerput uniinnarniarlutik, taama ilisimasassarsiortut pisortaat Ander Bilgram ilisimatitsivoq.

Umiarsuarmit aaneqarnissartik utaqqiinnalerpaat, sulilu ikinnerpaamik ulluni tallimani illuaqqamiittariaqarnissartik naatsorsuutigaat.

Aaneqariarunik umiatsiartik ”Olga” ilanngullugu nassarniarpaat, issittup imartaanik kaajallaaniaalunnertik nangeqqinniassagamikku.

Umiarsuarmik aaneqariarumik illoqarfimmut qaninnermut Tiksi-mukaanneqassapput 400 kilometerinik ungasitsisisumiittumut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat