Issittup imartaani isumannaallisaanermut malittarisassat nutaat

Naalagaaffiit Peqatigiit imaatigut angallanneq pillugu suliniaqatigiiffiat, IMO, nunarsuarmi tamani atuuttussanik isumannaallisaanermut malittarisassanik, Polarkodenimik taaneqartumik, akuerseqqammerpoq, tamannalu imartatsinni angallannermut sunniuteqassaaq.
maajip 21-at 2014 12:59

Nunat issittut imartaanni angallannerit tamarmik malittarisassani nutaani malittarisassiuunneqarput - umiarsuit qanoq sananeqarnissaat, inuttat ilinniartitaanerat, umiarsuup ingerlatinnera ujarlernernilu annaassiniarnernilu pitsaanerusumik ataqatigiissaarinermut. Malittarisassat nutaat ilaasartaatinut umiarsuarnullu usisaatinut 500 tonsit sinnerlugit useqarsinnaasunut atuutissapput.

- Danmark malittarisassat nutaat IMO-mi eqqartorneqarnissaannut siunnersuuteqartunut peqataavoq. Nuannaarutigeqaara malittarisassat nutaat iluaqutigalugit issittup imartaani umiarsuit angalasut isumannaallisaanerat pitsanngorsaratsigu, Imarsiornermik Qullersaqarfimmi direktørimut tullersorti, Francis Zachariae, oqarpoq.

Taanna oqarportaaq nunat tamalaat akornanni malittarisassat nutaat nunatta imartaani umiarsuarnut takornariutinut malittarisassanut Imarsiornermik Qullersaqarfimmit suliarineqartunut tulluartut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq