Issittup imartaa aqqartartulerniaraat
Canadamiut issittup imartaanik piginnittussaanertik takutinniarlugu, aqqartartunik issittup imartaanukartitsiniarput.
Sakkutuut umiarsui pingasut Operation Lancasterimik taallugu Sullualummukartinneqaqqammersut assigalugit aqqartartut avannamukartinneqartarnissaat takorloorneqarpoq.
- Qaammataasakkut attaveqarniarneq ajornakusoortarmat, issittup imartaani qanoq attaveqaqatigiittoqarsinnaassanersoq misilerarusupparput, sakkutuut naalagaat. Issittup imaani navianarsinnaasumi aqqartartunik aqutsineq ilinniarusunnarpoq, sukkanerpaamillu taamaaliorsinnaanissarput neriuutigaara, Canadami sakkutuut naalagaat Dean McFadden, aviisimi The Chronicle Herald-imi taama issuarneqarpoq.