Issittumut ukiorititaq Frankrigimi naggataarneqarpoq
Tamanna Parisimi pivoq, peqataappullu ilisimatuut Europameersut, USA-meersut, Asiameersut Australiameersullu, peqataallutittaaq politikerit franskit - taakkulu tamarmik ulluni marlunni katersuullutik Nunat Tamalaat Issittumi Ukiorititaat, 2007-imi aallartikkami 2008-mi naasoq, tassaasorlu Issittumut Ukioritinneqartut sisamassaat, inerniliiffigalugulu paasisaminnik paarlaateqatigiiffigaat.
Dr. Karl Erb, USA-mi ilisimatusarfimmit National Science Foundationimeersoq, peqataasunut ilaavoq, taassuma saqqummiussinermini Kalaallit Nunaat sammisorujussuuvaa.
Kalaallit Nunaanni namminersulernissaq professorip allap aamma oqaluttuaraa, Parisimi aviisiliortoq Damien Degeorges taama unnersiorpoq.
Frankrigimi avatangiisinut ministeri, Jean-Louis Borloo, aamma Monacomi Fyrsti, Albert Aappaat, Nunat Tamalaat Issittumut Ukiorititaannut atatillugu tamarmik Kalaallit Nunaanniissimasut, Parisimi ataatsimiinnermi inerniliinernut naggataarutaasumik ullumi saqqummiissapput.
