Issittumut kingunerit paasititsiniutigaat
Silaannaap allanngoriartornerata kingunerisai pillugit Canadami Montrealimi nunat tamalaat aallartitarpassui katillutik 20.000-it missaanniittut ulluni makkunani ataatsimeersuarput.
Silaannap allanngoriartornerata issittumut sunniutai oqaluuserineqarlutik.
Inuit Issittormiut Kattuffiata aallartitaasa paasititsiunitiginiarpaat silaannaap allanngoriartornerata issittumut kingunerisassai mannakkut sunniuteqalereersut. ICC isumaqarpoq allanngoriartornerup issittumut kinguneri tusaanngitsuusaaginnarneqarsinnaajunnaartut, ingammik nunat suliffissuaqarfiusut USA allallu eqqarsaatigalugit.
Nunarput sinnerlugu ataatsimmersuarnermut peqataasoq, nunatsinni ICC-ip præsidentia Aqqaluk Lynge oqarpoq issittormiut ataatsimeersuarnermut peqataasitaat soqutigineqarluartut.
- Canadami inoqarfinni sisamani aalisartut piniartullu tallimanngormat paasititsiniaapput takutitsillutillu. Marlunngorneq Issittup Ulluatut atorneqassaaq, tassani nunani tamalaaneersut issittup sunnigaaneranut paasinnilersinniarlugit iliuuseqartoqassaaq.
Nunatsinni sermersuup sukkasuumik aakkiartornera
silaannaap allanngoriartorneranit peqquteqartoq Aqqaluk Lynge naliliivoq.
