Issittumi uumasut timaat akoorutissaqannginnerulerput
Issittumi nunat inoqqaavisa ileqqutoqqaminnut atatillugu nerisarisartakkatik eqqasuuteqarpiaratik nereqqissinnaalerpaat.
Canadamiut pisortatigut misissuisitsinerisa takutippaat akoorutissat suliffissuaqarfiit mingutsitsinerannit pisut, issittumi uumasut timaanni katersuuttartut annikilliartortut.
Ukiut kingulliit qulit ingerlaneranni aatsaat uumasut misissuiffigineranni takuneqarsinnaavoq, akoorutissat kræfteqalersitsisartut, soorlu PCB aamma DDT puisit, qilalukkat uumasullu allat timaanni katersuussimasoq annikilleriarsimasoq.
juulip 16-at 2008 13:46
Issittumi nunat inoqqaavisa ileqqutoqqaminnut atatillugu nerisarisartakkatik eqqasuuteqarpiaratik nereqqissinnaalerpaat.
Canadamiut pisortatigut misissuisitsinerisa takutippaat akoorutissat suliffissuaqarfiit mingutsitsinerannit pisut, issittumi uumasut timaanni katersuuttartut annikilliartortut.
Laurie Chan, University of Northern British Columbia-mi atorfilik Canadian Press-imut oqarpoq, tusagaq nuannaajallannartoq, tamatumalu takutikkaa akoorutissanik mingutsitsinnginnissaq anguniarlugu nunat tamat isumaqatigiissutaat, soorlu Stockholm Konventionitut ittut, malunniukkiartulersut.
Misissuinerilli aamma takutippaat uumasut timaanni kviksølvi annikillisimanngitsoq ilaatigulluunniit annertusiartortoq.
