Issittumi uumasut kræftimut akiuussutissamik ujaasiffigineqalerput
Ilisimatusartut kræftimut akiuussutaasinnaasumik ujaasinerminni, issittumi uumasut misissuiffiginialerpaat. Ilisimatusartut misissuinerminni nappaammut akiuussutaasinnaasumik nassaarnissartik neriuutigigaat, aviisimi Politikenimi allaaserineqarpoq.
Allattoq Louise M. Kleemann
Uumasut issittorujussuarmi uumasuusut, issittorujussuarmi uumasinnaassusaat ilisimatusartut paaserusuppaat.
- Katiterneqaatit minnersaannik kisimiissinnaasunik ujaasivugut. Katiterneqaatit minnersaat uumasoqatigiiaanit minnerpaamik 500 grami atorfissaqartippagut. Taamatut atsigisumik peqalerutta sukumiinerusumik misissuinerit aallartissinnaassavavut, suliniummi peqataasoq Robert Johansen Tromsømi ilisimatusarfimmeersoq oqarpoq.
Misissuinerilli neriunartumik inerneqarumaarnersut nalunarallarpoq.
Ivikkani killoriikkani meqqummik ujaasinermut assersuunneqarsinnaasoq, Robert Johansen oqarpoq.