Issittumi uuliasiorniarneq Obamap taamaatippaa

Alaskap issittortaani uuliasiorluni qillerinissamik pilersaarutit. uuliarsiortitseqatigiiffissuarmit Shellimit taamaatinneqareersullu, Alaskap avannaata sineriaani uuliasiorluni qillerinissat pillugit akuersissutissat, 2016-mut 2017-imullu atuuttussat tuniniarneqarnissaat, USA-p naalakkersuisuinit maanna taamaatiinnarneqarput.

Tamanna pinngortitap ajugaaneranik taamatullu Issittumi uuliasiorluni qillerisoqannginnissaanik inuit millionilikkaat akerliuffigisaasa ajugaanerannik taallugu, avatangiisit pillugi suliniaqatigiiffiup, Greenpeacep tusagassiutinut nalunaarimminni allasseraat.

- Issittumi uuliasiornerup USA-mit unitsinneqarnissaa, inuit nunarsuatsinni tamaneersut millionilikkaat ukiorpassuarni sorsuutigisamasaat maanna piviusunngorpoq, Issittoq pillugu Greenpeace oqaaseqartittagaa, Jon Burgwald tusagassiuutinut allappoq imalu nangilluni.

- Qillerinissanik pilersaarutit tuniniarneqarnissaat taamaatinneqarneri Issittup illersorneqarnissaanut pingaaruteqarluarpoq. Tullinnguuttorlu tassaalerpoq Issittumi tamarmi qillerinissanik unitsitsiniarnissaq qaqugorsuarmullu tamassuma atuutsinneqarnissaanik suliniuteqarnissaq, Burgwald allappoq.

Naak Alaskap avannaani uuliasiorneq taamaatinneqaraluartoq Issittumi allani uuliasiorniarneq suli pilersaarutigineqarpoq, soorlu Kalaallit Nunaats sineriaani.

Tassalu tamassuma aamma unitsinneqarnissa tunnginnguuttoq, Greenpeace isumaqarpoq.

- Issittumi uuliasiorniarneq taamaatikkaluttuartoq eqqarsaatigigaanni, Kalaallit Nunaata avatangiisii pillugit tamassuma illesorneqarnissaat, tamaani naalakkesuisunit aamma isumagineqartariaqalerpoq.

Greenpeacep issittoq pillugu oqaaseqartartua, Jon Burgwald allappoq.