Tukuma Arctica RAL´ip umiarsuaataani nutaanerpaasoq, Nuummut apriilip ulluisa 17-anni tikissamaarpoq.Assi: Royal Arctic Line

Issittumi uuliap kinertup inerteqqutaalernissaa pillugu isumaqatigiissut inissittoq

Naalagaaffiit Peqatigiit imaatigut angallanneq pillugu nunat assigiinngitsut suliniaqatigiiffianni, IMO-mi issittumi uuliap kinertup inerteqqutaalernissaanut atatillugu ullut sisamat isumaqatiginniartoqareersorlu isumaqatigiittoqarpoq.

Imaatigut angallassinermi uuliap kinertup inerteqqutaalernissaa assartuutigineqarsinnaajunnaarnissaalu 2024-imi juulimi atulissasoq, Pinngortitamut Avatangiisinullu naalakkersuisoqarfimmi pisortaq, Mette Skarregaard Pedersen KNR-imut ilisimatitsivoq.

Ilanngunneqanngitsorli ataaseq tassaavoq, umiarsuarnut Naalagaaffiit Peqatigiit imaatigut angallanneq pillugu suliniaqatigiiffiata, IMO-p, Issittumi umiarsuit angallannerannut malittarisassanik, Polarkodemik taagorneqartunik
malinnittunut inerteqquteqalerneq juulimi 2029-mi aatsaat atuutilissammat. Taamaalilluni Royal Arctic Linep umiarsuaatai HFO-mik atuisut aatsaat 2029-mi eqqorneqassapput.

Isumaqatigiissut isumatusaartumik inissinneqartoq, Pinngortitamut Avatangiisinullu naalakkersuisoqarfimmi pisortaq oqarpoq.

- Isumaqatigiissut nuannaarutigaarput, avatangiisit illersorneqarnissaat nunatsinnilu suliffeqarfinnut kingunissarisinnaasai immikkut isiginiarneqarmata, pisortaq oqarpoq.

Isumaqatigiissutip 2029-mi atuutilertussanngornera, Royal Arctic Linemi pisortap, Verner Hammekenip nuannaarutigaa.
Verner Hammekenip danskillu umiarsuaatileqatigiiffiisa isumaqatigiissutip 2029-mut inissinneqarnera ajorinngilaat.

Isumaqatigiissulli aatsaat 2040-mi aatsaat atuutilernissaa neriuutigineqaraluarpoq. RAL-imi umiarsuarnut nutaanut ukiuni kingullerni aningaasaliissuteqarnerminut atatillugu umiarsuit tamakkerlugit akilereertussaassammagit.

IMO-mi oktobarimi ataatsimeersuartoqalerpat isumaqatigiissut akuerineqassamaarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat