Issittumi umiarsuit angallannerujussuat ernummatigaat

Umiarsuit amerliartuinnartut Canadap issittortaatigoortalernerat Nunavummi atorfilittamit ernummatigineqalerpoq. Issittup pinngortitaata qajannaqisup Canadamit illersorneqarsinnaanissaa atorfilittap maanna apeqquserpaa. TV-qarfik CBC North nittartakkamini taama allaaserinnippoq.
Allattoq Louise M. Kleemann
aggustip 15-at 2008 07:24

Canadap Issittortaata imartaanik illersuinissaq pillugu inatsisit pioreerput, atorfilittalli Nunavummeersup tamatuminngalu apeqqusiisup Ryan Barry-mik atillip inatsisit paatsiveqartinnginnerarpai. Taamaammat Canadap imartaanik illersuinissaq pillugu isumalioqatigiissitamik pilersitsisoqarnissaa Barryp siunnersuutigaa.

Isumalioqatigiissitap sunniuteqarluarnissaa anguneqassappat, suliniaqatigiiffiit Nunavummeersut pingaarutillit isumalioqatigiissitami ilaasortaasariaqassasorai:

- Taamaliorutta ataatsimik nipeqartumik suliniuteqarsinnaassaagut, nukittunerullutalu. Suliassat ullumikkut ima paatsiveqanngitsigipput sorpassuarnut aggulunneqarsimallutik, innersuussutigineqartartullu imaaginnavillutik. Tamanna iluarsiivigisariaqarparput, Ryan Barry naggasiivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq