Issittumi teknikkikkut ineriartortitsineq Sisimiut Kommuniata iluaqutigilluarpaluppaa. Maannalu tikillugu 2 mio. koruunit tikillugit misissuinermut aningaasaleereersilluni.
Nunami qeriuaannartumi sanaartorneq avatangiisillu pissusaa sukimiisumik 2001 –mili Danmark-imi teknikkikkut ilinniarnertuunngorniarfiup, DTU-p, Sisimiunilu Sanaartornermut ilinniarfiup ingeniørinngorniat suleqatigalugit misissuiffigilerpaat. Tamanna Sisimiut Kommuniata atorluarsimavaa. Ukiullu tallimat ingerlanerini, ukiut tamaasa aningaasartuutissanik missingersuusiornerminni 500. 000 koruunik immikkoortitsisarlutik, taama oqarpoq Sisimiut kommuniani teknikkimut ataatsimiititaliap siulittaasuat Kristian Lennerth.
-Aqquserngup aasaanerani aqqutissaanut assigiinngitsutigut aqqutip ingerlavissaanik misissuisillugit atorneqartarput, Kristian Lennerth oqarpoq.
Avatangiisinut tunngasuni tamakku qanoq iluaqutaatiginersut Kristian Lennerth aperaarput, akivorlu taakku peqatigilluinnarlugit ingerlaqatigiittoqartoq, tassa aqqusinniornermik ilisimasallit misilittagallillu– ingeniørit – suleqatigilluinnarlugit misissuineq ingerlanneqartoq unnerpaa, suleqatigiinnerlu taakku suleqatigalugit ataqatigiisinneqartarnerarpaa.
Kristian Lennerth naggataagut oqarpoq, kommune ukiut tamaasaanngikkaluartoq aningaasaliisartoq.