Issittumi takornarianik angallassisartut 15-nit ilinniarnertik naammassigaat
Taama Campus Kujallermiit tusagassiuutinut allaaserisaqarput.
Issittumi takornarianik angallassisartutut ilinniarneq kalaallit nunaanni angallassisartunut pisortatigoortumik ilinniarfituaavoq.
Qaammatini arfinilinni ilinniarfiuvoq, piffissallu taassuma ingerlanerani kalaallit nunaata oqaluttarisaanera, kulturia, eqqumiitsuliornertaa, naasui, uumasui aammalu nunalerinertaa ilinniartunit sammineqartarput. Taakkua saniatigut ilinniartut angallassinernik misiliisarput ingerlatsinerminnilu misilitsittarlutik.
Aamma atuaruk Issittumi takornarianut nassuiaassisartutut ilinniagaqalissaaq
Angallassinerup iluani allanartumik ilinniarneq maanna Campus Kujallermi piareersarneqaleruttorpoq, tassani takornarianut misigisassarsiornerorusuttunut angallassisartussatut ilinniarfiussaaq, taaguuteqassallunilu 'Adventure Guiding'.
Immikkut ilinniagassap aappagu augustimi aallartinnissaa pilersinneqassaaq, maannalu ilinniarfioreertumut issittumi takornarianik angallassisartutut ilinniarnermut taputartaassalluni, ilinniarnerlu taanna januaarimi nutaanik ilinniartunik aallartiffiussaaq.