Ataatsimeersuarnertik ataatsimoorlutik nalunaarutiminnik atsioqatigiinnermik naggaserpaat, atsioqataasullu ukuupput: Hjalmar Dahl, ICC Kalaallit Nunaat, Aslak Holmberg, Saami Council, Bill Erasmus, Athabaskan Council, Grigory Ladkov, RAIPON aamma Sally Swetzof, Aleut International Association.Assi: ICC Kalaallit Nunaat / ICC Grønland

Issittumi siuttut ataatsimeersuaqqammertut: - Alutornarlunilu killitsinnarpoq

Issittumi siuttut Rovaniemimi Finlandimiittumi novembarip ulluisa aqqaneq-aappaanniit 15-iata tungaanut ataatsimiipput.

Nunani tamalaani nunaqavissut kattuffii arfinillit Arctic Leaders' Summitimi peqataatitaat katillutik 70-inik peqataatitaqarput.

Issittumi siuttut arfinilissaanik ataatsimeersuarput, inuusuttullu Alaskameersut, Canadameersut, nunatsinneersut, Finlandimeersut, Norgemeersut, Sverigemeersut Ruslandimeersullu katillutik 27-t Rovaniemimi ataatsimeersuarnermi peqataarngaarlutik.

Seqininnguaq Poulsen nunarput sinnerlugu peqataavoq, ataatsimeersuaqataasimaninilu nuannaarutigaa.

- Ataatsimeersuarneq alutornarlunilu killitsinnarpoq. Inuusuttuusugut isumasioqatigiilluta oqaloqatigiippugut issittumi nunat inoqqaavisa inuusuttaani ajornartorsiutivut pillugit, Seqininnguaq Poulsen oqarpoq nangillunilu:

- Inuusuttuusugut isumaqatigiissutigaarput inooriaatsimut attuumassutilinnut ileqqutoqqat inuiaqatigiinni pimoorunneqarnerusariaqartut, ilinniartitaanitsinnilu piumasaqaatigalugu ilaatinneqartariaqartut.

Issittumi inuusuttorpassuit kulturertik kinaassusertillu pillugit ilikkagaqanngitsoortartut amerlanerat ernummatigigitsik, taassuma oqallissaarummi ilaatigut saqqummiuppaa.

ICC Kalaallit Nunaata siulittaasuata Hjalmar Dahlip inuusuttut kajumissuseqarluarlutik ataatsimeersuaqataanerat nuannaarutiginerarpaa.

Ataatsimeersuarnertik ataatsimoorlutik nalunaarutiminnik atsioqatigiinnermik naggaserpaat.

- Ataatsimoorluta nalunaaruterput nunani tamalaani nunaqavissut kattuffiisa siunissami suleqatigiinnissaannut tunngaviulluassaaq, Hjalmar Dahl oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat