Issittumi Siunnersuisoqatigiit aqagu ataatsimiilissapput

Allattoq Mads Lynge
oktobarip 25-at 2006 07:27

Silaannaap allanngoriartornera pillugu russit illoqarfiisa ilaanni Salekhard-imi issittumi siunnersuisoqatigiit ukiumoortumik ataatsimiinnerat aqagu aallartissaaq.

Issittumi siunnersuisoqatigiit 1990-ikkut naalernerannili silaannaap allanngoriartornera pingaarnertut apeqqusertuartarsimavaat.

Issittumi silaannaap allanngoriartornera pillugu ACIA-mik taaguuserlugu issittumi siunnersuisoqatigiit ukiut marluk matuma siorna nalunaarusiorput.

Silaannaalli allanngoriartornerata akiorneqarnissaa pineqartillugu nunat ilaat imaannaq pisassaaneq ajorput.

USA tamatumunnga miserratiginnilluinnaqqissaartut ilagaat, taakkumi oqaaserluunniit `silaannaap allanngoriartornera` avammut uppernarsaanermi uppernarsaatissatut tusarumanngilluinnarpaat. USA-lu taama pinaasertigitillugu issittumi siunnersuisoqatigiit ukiuni tulliuttuni sulinissaat akimmisaartinneqarpoq, kaajallaasitaliarmi suliarineqarsimasoq avammut nalunaarutaaniartussaagaluarmat.

Danskit avatangiisit pillugit ministeriat, Connie Hedegaard, tamanna pillugu isumalluarpallaanngilaq, Radioavisimullu ima oqarpoq:

- USA allanngortikkuminaatsorujussuuvoq, neriuutigiinnarsinnaavara soorunalumi aamma sulissutigissallugu, Amerikamiut silaannaap allanngoriartornera pillugu uppernarsaanermi nassuertariaqarlutik. Kisianni atorfilittat aallartitaasut tamatumunnga nassuerutiginnikkumanngitsorujussuusarput, Amerikamiullu aamma imaannaq pisassaanngivittarlutik.

Taama oqarpoq danskit avatangiisit pillugit ministeriat, Connie Hedegaard, Issittumi siunnersuisoqatigiit ataatsimiinneranni naalagaaffeqatigiinneq sinnerlugu taanna peqataavoq.