Issittumi Siunnersuisoqatigiinni pissaaneq assigiinngitsunik isumaqarfigineqartoq
Samit inatsisartuini siulittaasoq Issittormiut Issittumi Siunersuisoqatigiinni aalajangeeqataanerunissaannut tapersersuisoq, amerikamiut isumaqarput aalajangiivinnissat issittumi naalagaaffinni ataasiakkaani inissisimasut.
Samit inatsisartuini siulittaasup Aili Kiskitalo'p annilaangatigaa Issittumi Siunnersuisoqatigiinni aalajangigassat siunissami allanit Issttumi najugaqanngitsunit aalajangiiffigineqartarnissaat.
- Issittoq pillugu politikkip Issittormiuunngitsunit ilusilersorneqartalernissaa aarlerinarpoq. Tamanna piviusumik ernumassutissaavoq.
Aamma atuaruk Issittumi Siunnersuisoqatigiinni suleriaaseq Olsvigip allanngortikkusukkaa
Taamaalilluni Sara Olsvig isumaqatigaa. Taanna isumaqarmat Issittumi Siunnersuisoqatigiinni pissaaneq Nunani naaminersulersimasuniillunilu Issittormiuniittariaqartoq, assersuutigalugu Københavnimiinnani Washingtonimiinnanilu.
Aili Keskitalo-lu aamma isumaqarpoq, nunap inoqqaavi eqqarsaatigalugit Issittumi Siunnersuisoqatigiit asseqanngitsuusoq.
- Issittumi Siunnersuisoqatigiillu nuannarigakkit peqqutaavoq, assersuutissaqqimmat taannatuaammat nunat tamalaat akornanni nunap inoqqaavisa naalagaaffiit peqatigalugit issiaqatigalugillu suliassanik sammisaqartarfia. Taamaattumik Issittumi Siunnersuisoqatigiit tassaapput uagutsinnut ajunnginnerpaasut.
Aamma atuaruk ASSIT Norgep avannaani illoqarfik Issittoq pillugu soqutiginnilersitsisoq
USA maanna Issittumi Siunnersuisoqatigiinni siulittaasuuvoq. Oqaaseqartartua Robert J. Papp isumaqarpoq nunap inoqqaavi Issittumiittut aalajangingassanut peqataatinneqartartut.
- Isumaqarpunga Issittormiut tusarniarneqartartut.
Inaarutaasumilli aalajangigassat Issittumi nunasiaqartuutilinniittut, taanna isumaqarpoq.
- Isumaqarpunga inaarutaasumik aalajangigassat naalagaaffinni namminersortuniittut. Isumaqarpunga Issittumi Siunnersuisoqatigiit nunap inoqqaavi eqqarsaatigalugit suleqatigiiffiit pitsaanersaannut ilaasoq, nunap inoqqaavisalu tamarmik isumaat aalajangiinnginnermi tusarniarneqartartut.