Issittumi Siunnersuisoqatigiinni ilaasortaq taamaatitippaat
Issittumi Siunnersuisoqatigiinni, Arktisk Råd-imi, ilaasortaatitartik canadamiut naalakkersuisuisa ilaasortaajunnaartissimavaat, taarserneqassanngilarlu, Canadami nunanut allanut ministeri, Peter Mackay, taama nalunaarpoq.
Arktisk Råd-imi nunat ilaasortaasut arfineq pingasuupput, tassaallutik: Canada, USA, Danmark, Sverige, Norge, Finland, Island – Ruslandilu.
Siunnersuisoqatigiiffik Arktisk Råd, nunat tamat akornanni issittuni apeqqutit pillugit, ataatsimiititaliani pingaarnersaraat. Siunnersuisoqatigiiffimmi eqqartorneqartarput, aningaasaqarneq, isumaginninnermut tunngasut, avatangiisillu pillugit soqutigisaqaqatigiinnerit suliarineqartarlutik.
Siunnersuisoqatigiinni issiatitaqarnerput angusaqarfigisimanngilarput, Canadami nunanut allanut naalakkersuisoq MacKay tusagassiortunut oqarsimavoq.
Nunanut allanut ministereqarfimmi atorfilittaq,
Siunnersuisoqatigiinni Arktisk Rådimi Canada sinnerlugu attaveqaataalissaaq
Canada-mi Inuit issittormiut Kattuffiata ICC-ip
Immikkoortortaqarfia, nunap inuuvisa pisinnaatitaaffiinik sorsuutiginnittoq, isumaqarpoq, Arktisk Råd-imi ilaasortaatitaq Jack Anawak, Canada sinnerlugu sulilluarsimasoq, tunuartitaaneralu ajuusaarutigalugu.
