Issittumi silaannaq pillugu nittartagaq nutaaq

Issittumi silaannaap allanngoriartornera naasunut, uumasunut inunnullu sunniuteqaatai ersersinniarlugit Dansk Polarcenteri Danmarkimilu avatangiisinut aqutsisoqarfik internetimi nittartakkamik pilersitsipput.

Nittartagaq atuartut ilinniarnertuunngorniallu saaffiginerullugit pilersinneqarsimavoq. Tassani atuartut ilinniartitsisullu issittumi silaannaap pissusianut tunngasunik paasissutissarpassuarnik aallersinnaapput.

Aallaqqaammut paasissutissat pisariaqarneriinnaat saqqummersinniarneqarput, kingusinnerusukkulli sukumiinerusumik paasissutissaqalissaaq. Issittumi pissutsinut tunngasunut nittartakkatigut iserfigisinnaasat allat aamma allattorsimaffeqalissapput.

Aalajangersimasumik sammisaqartoqartassaaq, soorlu sermersuup aakkiartornera, uumasut nungutaaratarsinnaasut eqqorneqarsinnaanerat, kiisalu immap qaffakkiartoraluttuinnarsinnaanera.

Nittartagaq tuluttut, danskisut kalaallisullu saqqummiisartussaq, uunga isefigineqarsinnaassaaq: www.dpc.dk/acia

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat