Issittumi silaannaap allanngornera

”Issittumi silaannaap kissakkiartornerata kingunerisai”- pillugit nalunaarusiami allassimasut, issittumi najugalinnik ”amiilaarnassagunarput”, taama oqarpoq Københavnip Universitetiani eskimologit issittumilu ilisimatusarfimmi lektoriusoq Frank Sejersen.

Namminersornerullutik Oqartussat, Nunavumi nunarsuullu sinnerani naalakkersuinermik suliaqartut tamatuminnga aaqqiinissaminnut nukissaqarnersut apeqquserpaa.

Avatangiisinut ministerip Connie Hedegaardip Namminersornerullutillu Oqartussat sapaatip- akunnerani tullermi nunani 24-ini avatangiisinut ministerit Ilulissani ataatsimeeqatigilerpatigit naalakkersuinermi suliallit namminneq uppernarsissavaat silaannaap allanngoriartornerata kingunerisaanik qanoq allanngortoqartigisimanersoq.

Issittumi nalunaarusiamik suliaqafiup, ACIA-p, ukiarmi nalunaarusiaani ”issittumi silaannaap kissakkiartornerata kingunerisai”-ni allassimasut ajorsorinaraluartut suli ajorneq takunngilarput: ilisimatuut tupannartunik amiilaarnartunillu imannaanavik nalunaaruteqartarput; sikusarunnaassaaq, sermersuaq aassaaq, kinguppaat tammassapput, nannut nungussapput, nuna qeriunaannarunnaarpat illuliat timmisartoqarfiillu tunngavii sanaartorfigineqarsimasut qajannasissapput.

Issittumi inuiaqatigiit silaannaap allanngoriartornerata kingunerisaanik sutigut tamatigut eqqungaassapput. Tamannalu inooriatsimik allannguisariaqarnermik kinguneqartariaqassaaq. Takkunanilu naalakkersuinermik suliaqartut aqqusissiuussisinnaaneri apeqqutaapput taamatut silaannaap allanngoriartornerata kingunerisaanik inuiaqatigiit aaqqissugaanerisa nalimmassarnissaannut. Amerlanertigullu ilisimasakka malillugit naalakkersuinermik suliaqartut allaffissornermilu suliaqartut kingaatsiararsuarmik suliamik ingerlatsisarput maannangaarlu suliniuteqaleriinngikkutta nalimmassaaneq oqilisarlugu siunissami artorsalersinnaavugut, Frank Sejersen taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat