Issittumi silaannaap allanngoriartornera

Issittumi nunallit silaannaap kiatsikkiartornera pillugu Islandimi Rekjavikkimi ataatsimeersuarnerata ullut pingajussaanni ullumi, issittumi uumasussusillit pinngortitallu silaannaap allanngoriartorneranit sunnigaanerat annerusumik sammineqassaaq.

Issittumi uumassusillit eqqarsaatigalugit qanganerusoq massakkorpiaq siunissamilu pissutsit suut atuunneri allanngornermut tunngatillugu eqqartorneqassallutik.

Aammattaaq issittumi silaannaap allanngornerata nunarsuup sinnerani pissutsinut assigiinngitsunut sunniutigiumaagassai saqqummiunneqassapput.

Kalaallit Nunaata silaannaa kiatsikkiartortillugu sermersuup annertunerusumik aakkiartuaarnissaa ilimasaarutigineqarpoq. Ukiullu ingerlaneranni silaannaq kiatsikkaluttuinnassappat immap 7 meterit angullugit qaffannissaa ilimagineqarpoq. Nannut puisillu avannaarsuani uumasut najugannaaminnit nillernerusumut avannarpariartuinnartussamut malinnaanissaat ilimagineqarpoq.

Qeriuaannartup marlunnik kiannerulersimanera paasisat kingulliit takutippaat, qeriuaannartullu aakkiartornermini annikilliartornermigut aamma avannarpariartuinnarnissaa ilimasaarutigineqarpoq. Tamanna naasoqassutsimut aamma sunniuteqarumaartoq ilisimatuut oqaatigaat.

Ukiut 30-it kingulliit ingerlaneranni immap sikua 16 procentimik annikilleriarsimavoq. Taamaalilluni immap tarajukinnerulerneranik kinguneqarluni. Immap tarajua annikilliartuinnarpat sarfap pissusiinut aamma allanngortitsiumaartoq oqaatigineqarpoq.

-Issittumi suut tamangajammik ulorianartorsiorput, angerlarsimaffigut, nuna najugarput imarlu piniarfipput Athabaskanimi naggueqatigiit siulittasuat Gary Harrison oqarpoq.

-Issittumi maannakkut pisut nunarsuup sinneranut aarlerisaarisutut pissusilersorput, nunarsuatsinnimi silaannaap allangoriartornera issittumi malugineqaqqaartussaavoq, tamtumalu tamatta akisussaassusermik takutitsinissatsinnut pisussaatippaatigut Sheila Watt Clotier ippassaani ammaanersiornermi oqalugiarluni oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat