Issittumi Sakkutooqarfiup umiarsuaa akunnittarfik Nuummiit aallartoq

Umiarsuaq akunnittarfik Ocean Endeavour Nuummi februaarip aallartinneranili talingalerpoq.

Umiarsuaq Arctic Endurancemik taaguutilimmik januaarip 14-ianni aallartittumik sungiusarnermut ilaavoq, tamanna præsidentip Trumpip Kalaallit Nunaannik tiguaanissamut sakkutuulersorniannginnerminik oqaaseqannginnerani, USA-mut atatillugu pissutsit pissanganarnerata nalaani aallartippoq.

Illersornissaqarfiup umiarsuaq Danmarkimit nunaniillu iligisanit sakkutuunik sungiusariartortunik inissiiffissatut attartorpaa.

Issittumi Sakkutooqarfiup umiarsuaq sapaatip akunnerata aallartinnerani aallassasoq Facebookimi quppernermut 'Nuuk Borger Info'-mut paasissutissiissutigaa. Umiarsuup naalagaanit Instagramikkut videoliaq naapertorlugu umiarsuaq aqagu aallassaaq.

Sakkutuut Nuummi sumiiffinni allani najugaqartinneqalissapput.

Nuummi sakkutuut amerlassusaasa pingaaruteqarneri

Issittumi Sakkutooqarfiulli suliaqarneq isumannaallisaarnerlu pissutigalugu sulisumi sumut inissinneqarnerat paasissutissiissutiginngilaa.

Erfalasorput umiarsuup akunnittarfiup Ocean Endeavourip napparutaani erfalavoq. Umiarsuaq Madeiramut nalunaarsorsimammat Portugalimiut erfalasuat umiarsuup siuani erfalavoq. Umiarsuaq illersornissaqarfimmit attartugaavoq, taannalu Natomi nunanit iligisanit sakkutuut nunatsinni Operation Arctic Endurancemi kingornalu Arctic Sentrymi sungiusarnermi peqataaneranni najugaqarfiulluni. Assi © : Markus Valentin / KNR

Nuummi sakkutuunut qanoq sunniuteqarnera

KNR-ip Issittumi Sakkutooqarfik umiarsuup akunnittarfiup aallarnera Nuummi sakkutooqannginnerulernissaanik isumaqarnersoq paasiniarlugu attaveqarfigaa.

Tamannali akissuteqarfiginngilaat.

Sakkutuulli Nuummi sumiiffinni assiginngitsuni inissinneqartalissagaluartut, Issittumi Sakkutooqarfiup Nuummi innuttaasunut sunniuteqarneq annikinnerpaatinniarsarigaa, allakkatigut akissummi paasissutissiissutigaa, 

Siusinnerusukkut ajornartorsiutaasut

Tuukkaq teknikkikkut januaarip 15-ianni ajornartorsiuteqarpoq.

Tamanna pissutigalugu timmisartumut ilaasussat Sarfaq Ittummi unnuinissamut innersuunneqarnerannik kinguneqartoq, KNR-ip liveblogiani 'Nunarput qitiusoq'-mi allaaserineqarpoq.

Tamanna KNR-ip tusarfiisa oqarnerat naapertorlugit Issittumi Sakkutooqarfiup Operation Arctic Endurancemut atatillugu Nuummi unnuisarfinni inissarpassuarnik inniminniisimaneranik pissuteqarpoq.