- Aningaasarpassuit nukippassuillu tamatigut maangaannartinneqartarput soorlu angallat navianartorsiorsorisaq tulattarfimmiinnerata navianartorsiortoqannginneratalu paasinissaata tungaanut, Arktisk Kommando allappoq.

Issittumi Sakkutooqarfik ulapaareerluni: Kalerrisaarutisi mianersuuttarisigit

Imaani ujaasinerit arfineq-pingasut. Tamarmik navianartorsiornermi kalerrisaarutinik nassiussisoornernit aallartinneqartut. Tassa Issittumi Sakkutooqarfiup qaammammi kingullermi ujaasinernik aamma annaassiniarnernik suliaqarfigigasuarsimasai.

Qulimiguullit, umiarsuit amma timmisartut arfineq-pingasoriarlutik kalerrisaarutinik aallartitsisoortunut ujaasiartortinneqarsimapput.

Issittumi Sakkutooqarfiup tamanna piffissartorfigisaramiuk imaani angalasut kalerrisaarutiminnik mianersuullugu paarsinissaannut kaammattuuteqarput. 

- Aningaasarpassuit nukippassuillu tamatigut maangaannartinneqartarput soorlu angallat navianartorsiorsorisaq tulattarfimmiinnerata navianartorsiortoqannginneratalu paasinissaata tungaanut, Issittumik Sakkutooqarfimmi Facebook-imi quppernermini taama allappoq.

Issittumi Sakkutooqarfiup taama kaammattuuteqarnera pivoq ilaatigut takornarianut angallassissumik Nuup kujataatungaanut ujaasiartortitsisoqareersimasoq. Ullorlu taanna aamma qulimiguulik umiarsuarlu alapernaarsuut Ilulissat avannaatungaanut ujaasiartortinneqarsimapput. Pisuni taakkunani marlunni kalerrisaarutit nassiussuisitsuulersimasut ujaasinernik pisariaqanngitsunik aallartitsisarsimapput.

AAMMA ATUARUK Ajunaalernermi kalerrisaarisoqartoortoq - Arktisk Kommandomeersut tallimangormat ulapittut

- Kukkulluni kalerrisaarinerit nalinginnaasumik piaaraluni nassiunneqarneq ajorput – imaassinnaavoq, illit EPIRB-it natermut nakkaallugu imaluunniit Garmin Inreach pooqattavit iluaniitillugu kalerrisaaraluni SOS-erniarluni toortaataa toortoorneqartoq, Issittumi Sakkutooqarfik allappoq.

Kalerrisaarutinik aallakaatitsisoornerit atortunik atorneqarsinnaasunik ajornartoqavittoqassagaluarpat ujaasinissami atugassaagaluartunik taamaalilluni killeqalersitsisarput.

- Navianartorsiornermi kalerrisaarummik atortoqartilluni mianersuullugu paarinissaa angallattarnissaalu innersuussutigerusupparput - minnerunngitsumittaaq ikasarluni misileraannarluguluunniit toorneqannginnissaa innersuussutigalugu, Issittumi Sakkutooqarfik taama kaammattuuteqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat