AWG2016 Issittumi Sakkutooqarfik AWG-qarnerani ikiuutissaaq
Naluunaquttap akunneri 21-t ingerlanerini uterlugulu timmisartuussinerit 34-t arfininngornermi ingerlanneqassapput, saniatigullu Issittumi Sakkutooqarfiup timmisartorsuata assartuutip atortut tamaasa isumagissavai.
Tamaat isigalugu Issittumi Sakkutooqarfik angallassinerup tungaatigut pingaarutilimmik inissisimavoq. Nuummi silarlunnera pissutigalugu apuunneq sapilertoqassagaluarpat siniffiit 250-it, tippit kiisalu nerisassat 1.000-it sinnerlugit Kangerlussuarmi atorneqarsinnaasut piareeqqapput.
Aamma atuaruk Kunngissaq AWG2016-mi ammaanersioqataassaaq
Issittumi Sakkutooqarfiup AWG-ip pilersaarusiorneqarnera peqataaffigilluarsimavaa. Ukiut kingulliit marluk ingerlanerini sulisutigut ikiuuppoq, pilersaarusiornermik, angallannikkut ataqatigiissaarinermik, isumannaallisaanermik aamma upalungaarsimanissamut pilersaarutinik suliaqarnissamut immikkut ilisimasalinnik sulisunik atugassaqartitsilluni.
- Issittumi Sakkutooqarfiup AWG2016-imut akuusinnaanera nuannerpoq, piginnaasaallu pitsaasut inuppalaartumik AWG2016-itut ittumik aaqqissuussinermut atorneqarput.
Aamma atuaruk Unammiuaarnerit akeqanngitsumik malinnaaffigineqarsinnaassapput
- Taakku Namminersorlutik Oqartussani upalungaarsimanissamut immikkoortortaq aamma sakkutooqarfik, kiisalu kajumissutsiminnik sulisut peqatigiillutik AWG2016-ip aqutsisoqarfia, aaqqissuussinerup tamarmi nakkutigineqarneranik sulialik aqussavaat, AWG2016-imi pisortaq Maliina Abelsen taama oqarpoq.
Unammiuaarnerit ingerlanneqarnissaannut Nuummi Kangerlussuarmilu Issittumi Sakkutooqarfiup sulisuisa affaat 45-t kajumissutsiminnik ikiuullutik sulissapput. Ammaanersiorneq sapaammi aallartissaaq, toqqaannartumillu KNR tv-kkut radiokkullu ullup-qeqqanit malinnaaffigineqarsinnaassalluni.
DMI malillugu weekendti siulleq AWG-toqarnerani silassaq imannak isikkoqassaaq :
