Issittumi pissutsit avataanit malinnaaffigineqarput
Kalaallit Nunaanniit peqataavoq tusagassiortoq, Nûno Isbosethsen, taassuma oqaluttuaraa allaaserisaq Kalallit Nunaannut tunngasoq, aammalu silap kissakkiartorneranut tunngasoq, atuagassiami National Geographicimi qanittukkut atuarneqarsinnaasoq pisuulluni, nunarput kikkunnit tamanit ilisimaneqalersoq.
- Oqaloqatikka tamarmik, pingaartumik nunanit spanskisut oqaluttuninngaaneersut, allaaserisaq oqaluttuaraat, taakku oqarput aatsaat paasilersimalugu nunarsuarmi silap kiatsikkiartornerata nunat issittut qanoq sunnersimatigigaat, aammalu paasilersimavaat issittumi inuuniarnerup qanoq sunnigaatigisimanera, Nûno Isbosethsen oqaluttuarpoq.
Kalaallit Nunaat sinnerlugu Nûno Isbosethsen oqalugiarpoq, oqalugiarfigalugit Europami aamma Latinamerikami nunat spanskisut oqaasiliunerusut. Oqalugiaatigaa nunarsuarmi silap kiatsikkiartornerata issittuni inuit avatangiisillu qanoq sunnerneqarsimaneri.
Amsterdamimi ataatsimeersuartoqarnerani naggataarutaasumik kikkunnut tamanut oqariartuutaavoq, nunarsuarmioqatigiit inuusuttatik isumalluutigissagaat aammalu pinngortitaq paarilluassagipput, inuusuttut siunissaat pitsaasoq anguneqassappat.