Issittumi peqqinnissaq pillugu Nuummi ataatsimeersuartoqalersoq
Issittumi peqqinnissaq pillugu ataatsimeersuarneq NUNAMED Nuummi pisussaq, sapaatip-akunnerata naanerani aallaartissaaq.
Immikkut ilisimasallit peqqinnissaqarfimmilu sulisut allat, Kalaallit Nunaanni peqqinnissakkut sulinermi misissuinerit inerneri tassani oqaluuserissavaat.
![](/sites/default/files/styles/image_934x467/public/article_images/stetoskop_flickr.jpg?itok=wwq6GWpb)
Allattoq Inge S. Rasmussen
Nutserisoq Mads Lynge
Nuna Med-ip pingaarnertut siunertaa tassaavoq Kalaallit Nunaanni peqqinnissakkut sulinermi suleqatigiittoqarnerunissaa.
Nuna Med 2016, Peqqissutsimut naalakkersuisumit Doris Jakobsenimit Nuummi arfininngorpat ammarneqassaaq, ataasinngorpallu naammassineqassaaq, Hotel Hans Egedemi nerersuaqatigiittoqartussaalluni.
Peqqinnissaqarfimmi sulisut assigiinngitsut Katuami oqalugiassapput, soorlu aamma immikkut sammisanik Hotel Hans Egedemi pisussatut pilersaarutigineqartuni pisoqartitsiumaartoq.
Ataatsimeersuarnermi pilersaarut tamarmiusoq uani takuuk.