Issittumi najugallit unammiuaarneranni kalaallit ujaminnattut

Issittumi nunallit Alaskami ullut pingajussaa ullumikkut 2100-t unammiuaaqatigiinneranni seqinnarissuuvoq.

Kalaallit unammiartut 132-t qanorinnersut radioavisimit paasiniaavigaagut. Angalaqatigiinilu aqutsisoq Claus Nielsen ima oqaluttuarpoq:

- Unammiat tamarmik ajunngitsumik ingerlapput nuannisarlutillu assut qiimapput. Soorunami ilai angerlarsilaartarlutillu pipput, kisianni tassa qiimaqaat.

Soorunami neriukkaluarpugut medaljat amerlanerusinnaassasut. Nuannaarutigaarpulli ippassaq Inuit Gamesimi marlunnik medaljanakkatta. Ullumikkut aamma niviarsiaqqat Inuit Gamesimi finalimut anngupput taamaalilluta medaljannannissarput naatsorsuutigaarput. Ullumikkut nukappiaqqat marluk sprintimi, ujakkaarnermi, finaalimut anngupput. Massakkorpiarlu unammillutik. Alpinertut kingusinaarlutik unamminertik aallarteqqammerpaat. Bordtennisimi batmintonimilu unammisartugut ingerlalluaqimmata isumalluarfigivagut. Arsartartugullu nukappiaqqat ajugaaqqissimapput, Claus Nielsen oqaluttuarpoq. Unammiartortut ajunngitsumik ingerlammata neriuteqaraluarput pinnaqqissallutik. Tamannalu ilimageqaat, qanorli pisoqassanersoq nalunartoq Claus Nielsen naggasiivoq.