Issittumi najugallit suleqatigilluarsinnaanngorpavut
Oqartussat, suliniaqatigiiffiit naalakkersuisutiguunngitsut suliffeqarfiillu suleqatiginissaat nukittorsarniarlugit suliniaqatigiiffiup Nuummi allaffeqarfeqarlernissartik pingaartikkaa, WWF-ip Nuummi allaffeqarfittaavani kisimiilluni sulisoq oqarpoq.
- Kalaallit Nunaanni pissutsit qanimut malinnaaffiginissaat allaffeqarfeqalernitta periarfissippaa, Suliniummi ataqatigiissaarisoq Kaare Winther Hansen oqarpoq.
Aamma atuaruk WWF Nuummi allaffittaalersoq
Issittumi najugallit suleqatigisinnaanerinut Nuummi immikkoortortaqalernerup nukittorsaaqataaffigissagaa suliniaqatigiiffiup kissaatigaa.
- Issittumi pissutsit soqutigineqaleraluttuinnarput. Silaannaap allanngoriartornera Kalaallit Nunaanni malunnaqisup taavalu issittumi uummassusillit ulorianartorsiorneri soqutiginaatilerujussuupput, Kaare Winther Hansen oqarpoq.
