Issittumi najugallit pingaarnerutillik

Akisussaaffik Norgep isumagisimasaa Tromsømi ullumi ataatsimiinnermi Danmarkimut isumagisassanngortinneqarpoq.

- Silaannaap allanngoriartornera arajutsisimajunnaarparput. Issittup 4 millionit missinginik inoqartup pingaarnerutinneqarnissaa Danmarkip isumaginnittussatut isumagisassarilerpaa.

Taamaammat pingaarpoq innuttaasut issittumiittut atugaasa pitsaasuunissaat isumagissallugu, Danmarkip nunanut allanut ministeria, Per Stig Møller, oqarpoq.

Pinngortitap pissusaata allanngorarnera aappaagu ukioritinneqassaaq, uumasummi nunat inuinut pingaaruteqarluinnarmata. Kalaallit Nunaallu tassanerpiaq pingaarutilimmik inissisimavoq.

Issittumi Siunnersuisoqatigiit issittumi inuit peqqinnissaat pingaartillugu suliniuteqassasut, Per Stig Møller aamma neriorsuivoq.

Danmarkimit, Sverigemit, Norgemit, Islandimit, Finlandimit, USA-mit, Canadamit Ruslandimillu Issittumi Siunnersuisoqatigiit ilaasortaatitaqarput.

Nunat kangianiittut, soorlu Kina, Japan Korealu Kujalleq ataatsimeersuarnermi alaatsinaattutut peqataanissaminnik saaffiginnissuteqarsimapput, maannamulli peqataasinnaanerat aalajangiiffigineqarani.