Silaannaap issittumi avatangiisinut sunniutai pillugit misissueqqissaartarfissaq-Polar Enviroment Atmospheric Research Laboratory- naalisarlugu Pearl-imik taaguuserneqartoq, Canadap avannaarsuani Ellesmere Islandimiittoq julip 24-ani ammarneqarpoq.
Silaannaap issittumi avatangiisinut sunniutaanik misissuisarfik ”Pearl” Qalasersuarmit 1100 kilometerinik kujasinnerusumi inissinneqartoq ukioq naallugu misissuiffiussaaq, tassanilu silaannaap qalipaasaa ozoni, silaannap pitsaassusia silaannaallu allanngoriartornera- kissakkiartornera ukioq naallugu uneqattaarfiunngitsumik misissugarineqarsinnaalerput.
Misissuisarfik, nunat tamalaat Issittumi Ukiorititaannut atatillugu Canadap naalagaaffianit tunissutitut aamma isigineqassasoq, Toronto newsimi aallaaserisaqarpoq.
Ilisimatuut arlallit, Canadami ilisimatusarfinnit assigiinngitsuneersut naalakkersuisullu aallartitaa
Pearl-imik ammaanermut peqataapput.