Issittumi mingutsitsineq isumasioqatigiissutigineqalerpoq

Sisimiuni, marlunngorpat februaarip ulluisa 21-anni aallartittumik, issittumi mingutsitsineq nunat tamalaaneersut peqataaffigisaannik ulluni pingasuni isumasioqatigiissutigineqassaaq.

Issittumi teknikkikkut suleqatigiiffiup,Center for Arktisk Teknologi-p, ARTEK-ip, Sisimiuniittup, pisussaq aaqqissuussaraa. Sisimiuni Sanaartornermi Ilinniarfiup Danmarkimilu Teknisk Universitet-ip, DTU-mik naalisarneqartartup, suleqatigiillutik taanna ingerlataraat.

Isumasioqatigiinni pingaarnertut qulequtaassaaq ”Mingutsitsineq paasisallu”.

Namminersornerullutik Oqartussanit allartitat, kommunit KANUKOKA-llu sinniisaat, Sisimiuni ingeniørinngorniat aamma Danmarkimit, Alaskamit, Tyskland-imillu ilisimatusarfinnit peqataatitat issittumi mingutsitsineq oqaluuserissavaat.

Eqqaavissuarni eqqakkat, saviminissat oqimaannerit, aamma akoorutissat timip arrortissinnaanngisaasa sunniutaat ilaatigut eqqartorneqassapput. Isumasioqataasussat 70-it missaaniissapput.