Assi: Alice Lafrance

Issittumi mersortartut klubbiat Facebookimi pilersinneqartoq

Coronap ilungersunartorsiortitsinera assigiinngitsutigut qaangerniarneqarsinnaavoq. Issittumi mersortartut klubbiannik pilersitsinikkut tamanna ilaatigut pisinnaavoq. Naggueqatigiit Inuit pikkoriffigisaasa ilaannik nuannaarutissaqartoqarsinnaassalluni.

Issittumi mersortartut klubbiat CBC North TV-p inoqatinut attaveqaatitigut Facebookikkut pilersissimavaa. Klubbi septembarimi pilersinneqarpoq, 2400-nillu ilaasortaqalereerpoq, amerlanerit Canadap Issittortaaneersut.

Naggueqatigiit Inuit mersornermi pikkoriffigisaasa tammatsaaliorneqarnissaa ilaatigut siunertaavoq, naggueqatigiilli Inuit mersortarnerat eqqumiitsuliornerusoq aamma takutinniarneqarpoq.

Klubbi kikkunnut tamanut ammavoq, Issittumeersunilli ilaasortaqarnerunissaa pilersitsisut neriuutigaat, Kalaallit Nunaanniillu Alaskamiillu ilaasortaqalernissaq kissaatigalugu.

Klubbip Facebookimi gruppia aqqutigalugu suliat tuniniarneqaqqusaanngilluinnarput. Uumasullu pisinnaatitaaffii pillugit akerliuniat, soorlu amminik tunisassiornermik akerliusut, mersortartut Facebookimi gruppiannut iseqqusaajunnaarsinneqassapput.

Issittumi mersortartut klubbianni ilaasortat suliaat Facebookikkut qupperneranni Arctic Sewing Room-imi alakkarterneqarsinnaapput, parkat, amaatit kamiillu ilaatigut takuniarneqarsinnaallutik.

Coronavirusip ajornartoortitsinerani suliassaaleqigaanni arnat angutillumi aamma, mersorneq aallussinnaanngussavaat, soorlu naggueqatigiit Inuit taamaaliortuarsimasut.

Issittumi mersortartut klubbiannut ilaasortanngorniaraanni Arctic Sewing Roomip Facebookimi qupperneranut iserfissaq nittartagarput KNR.gl aqqutigalugu aamma iserfigineqarsinnaassaaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat