Issittumi kviksølvimik mingutsineq annertuvoq
Issittumi kviksølvimik mingutsitsinerujussuaq nunarsuup ilaani aamarsuarfinneersuunersoq qarasaasiaq atorlugu uuttuutip takutinniartussanngorpaa.
Allattoq Mads Lynge
novembarip 11-at 2010 10:16
Kviksølvip suminngaanneersuunera siornatigut ilisimaneqanngikkaluarpoq, tassami kviksølvimik mingutsitsisinnaasunik Issittumi nassaassaqanngimmat.
Kviksølvi 200 tonsi ukiumut issittumi apummut nakkaasarpoq naggataatigullu nannunut, puisinut arfernullu pisarluni.
Nukissiorfiit Kinamiittut mingutsitsinerpaanut ilaapput, nunami tassani nukissiorfiit aamarsuartortut sisamat sapaatip-akunneranut ammarneqartarput.
Ilumut kviksølvimik mingutsineq annertunerusumik Kinaminngaanneersuunersoq ilisimatuut Amerikami Harvard Universitetimeersut paasiniartussanngoraat, nittartakkami videnskab.dk -mi allaaserineqarpoq.
