Issittumi inuuniarnermi atukkat pillugit misissuinermi inernerugallartut siulliit ukiaru saqqummiuneqarsinnaalissapput. Nunatsinni inuuniarnermi atukkat qanoq issinnaaneri ersersinneqarsinaalissasut misissuinermi aqutsisoq Birger Poppel oqarpoq.
Inuit 1300-t inuunertik pillugu siornali apersorneqarsimapput, maannalu 200-t Nuummi Ilulissani Aasianni Upernavimmilu suli apersorneqassapput.
Misissuinerup piniartut allallumi inuuniarnerminni atugaat takutissavaa, nunatsinni piitsoqarnersoq ilanngullugu aamma paasiniarneqarpoq.
Issittumi inuuniarnermi atukkat pillugit aatsaat siullermik misissuisoqarpoq.