Issittumi innuttaasunik peqataatitsineq pillugu nalunaarusiaq nutaaq
Nunatsinni innutaasut peqataatinneqarnerulernissaannut pitsanngoriaatissanik siunnersuutinik arlaqartunik nalunaarusiami allaaserineqarput.
Nunat assigiinngitsut innuttaminnik peqataatitsiniarlutik periusaat assigiinngitsut saqqummiunnerisa saniatigut, Kalaallit Nunaanni innuttaasut peqataatinneqarnissaannut periutsit patajaallisarnissaannut iliuuserineqarsinnaasutut kattuffiit isumaqarfigisaat aallaavigalugit, isumassarsiorfigineqarsinnaasut arfinillit saqqummiunneqarput.
- Nunatsinni innuttaasunik peqataatitsiniaalluni periuserineqartartut tunngavigalugit, iluamik isumasiorneqartanngitsutut isumakuluutimillu ilumoorussamik tusaaniarneqartannginnerattut, innuttaasut sivisuallaamik misigisarnikuupput.
- Taamaammat nunat sanilerisatta aatsitassarsiornermik innuttaasunillu peqataatitsiniaasarnermik misilittagaqarnerusut periuserisartagaat iluaqutigineqarluarsinnaapput, ICC-p præsidentia, Aqqaluk Lynge nalunaarusiaq pillugu taama oqarpoq.
Nalunaarusiaq ICC Greenlandip kiisalu Nunarsuatsinni Pinngortitamik Illersuiniaqatigiiffiup WWF-ip innuttaasut peqataatinneqarnissaat pillugu nalunaarusiaasa pingajoraat.
Kalaallit Nunaata oqaluttuarisaanerani aatsitassarsiortarsimaneq kiisalu ukiuni kingullerni qulini - immikkut uuliasiornermut kiisalu London Miningimut atatillugu - innuttaasut peqataatinniarneqartarsimanerat pillugu, Kattuffiit siusinnerusukkut nalunaarusiortarnikuupput.
ICC Greenlandip kiisalu Nunarsuatsinni Pinngortitamik Illersuiniaqatigiiffiup WWF-ip suliariniagaat aningaasaateqwarfimmit Villum Fondenimit aningaasaliiffigineqarpoq.