Issittumi ingeniøri Sisimiuni teknikkimut avatangiisinullu pisortanngortoq

Naluneqanngitsutut issittumi ingeniørinngorniarfik Sisimiuniippoq. Issittumilu ingeniøritut Sisimiuni ilinniarsimasut Qeqqata Kommunia atorluarpai.
Allattoq Malu Pedersen
juulip 28-at 2015 07:55
Nutserisoq Simon Uldum -

Issittumi ingeniøri Hans Ulrik Skifte taamaasilluni Sisimiuni Teknikkimut Avatangiisinullu pisortatut juulip aallaqqaataani atorfinippoq.

Hans Ulrik Skiftep atorfinitsinneratigut issittumi ingeniørit Qeqqata Kommunia atorfeqartut tallimaalerput.

Qeqqata Kommuniani, Sisimiunilu Teknikkimut Avatangiisinullu Immikkoortortami siullermeertumik issittumi ingeniørimik teknikkimut avatangiisinullu pisortamik atorfinitsitsisoqarnera naleqquttorujussuuvoq. Issittumi ingeniørinngorniarfik pillugu Qeqqata Kommunia ARTEK-imik qanimut suleqateqartuarsimavoq, kommunimi pisortaanerup tullersortaa Laust Løgstrup tusagassiorfinnut nalunaaruteqarluni taama allappoq.

Teknikkimut Avatangiisinullu pisortanngortoq Maniitsumi inunngorlunilu peroriartorpoq, issittumi ingeniøritut ilinniagaqarpoq, taavalu Nuup Kommuniani pilersaarusiornermi aqutsisutut, Polar Oilimilu sanaartornermi pisortatut atorfeqarsimanermigut misilittagaqarluarluni.

Aamma atuaruk