Issittumi inatsisit Islandimi ilinniarneqarsinnaalerput

Qaffasissumik ilinniagaqarnermi nunat tamat akornanni inatsisit avatangiisinut, umiartornermi malittarisassanut, killeqarfiit pillugit inatsisinut, nunat inuviiisa pisinnaatitaaffiinut nunamillu piginnittussaanermut tunngasut ilinniarneqassapput.

Ilinniagaq taanna pillugu Akureyri Universitetip suleqatiginiarpai universitetit Finlandimi Rovaniemi-miittoq, Savalimmiuni Thorshavnimiittoq, Ilisimatusarfik Nuummiittoq kiisalu Issittumi universitetit Alaskamiittut, Canadamiittut, Ruslandimiittut Skandinaviamiittullu.

- Silap pissusaata allanngoriartornerata nunanut issittuniittunut pingaaruteqaleriartornerata nalaani ilinniakkap aallartinneqarnissaa pingaartuuvoq, aamma piffissami aatsitassarsioqatigiiffiit suliffeqarfiillu assartuinermik ingerlataqartut Issittumi pisuussutinik soqutiginnileruttorfiisa nalaani, universiteti tusagassiuutinut nalunaarummi allappoq, ilanngullugulu oqaatigalugu killeqarfilerngusaannerit, namminersornerunissamik aamma namminersulernissamik isumaqatigiinniarnerit, avatangiisinillu ulorianartorsiortitsinerit ilinniakkap ullutsinnut naleqquttuuneranut ersiutaasut.

Islandimiunut EU-meersunullu qinnuteqarfissaq juunip ulluisa tallimaannut killeqarpoq.