Issittumi inatsisinik ilisimatusarsinnaaneq Islandip neqeroorutigaa
Naqqiut: Ilinniartut eqqartuussissuserisullu issittumi inatsisinik ilisimatusarsinnaalerput. Islandimi Akureyimi Universitetip nunarsuarmi siullersaalluni neqeroorutigaa, bachelorinngorniartut universitetimilu naammassillutik soraarummeersimasut issittumi inatsisinik ilisimatusarsinnaasut. Radioaviisimut ilisimatitsissutigineqarpoq ilisimatusarfik Island-imiittoq nunatsinniit qinnuteqarfigineqarsinnaanngitsoq, suleqatigiissuteqartoqanngimmat.
Allattoq Lotte Holm
marsip 09-at 2009 07:10
Nunani Immanilu Issittuni Avannarlerni Sikuiuitsumilu inatsisit atuuttut issittumi inatsisinik ilisimatusarnermi eqqarsaatigineqarput. Inuttut pisinnaatitaaffiit, imarsiornermut inatsisit silallu pissusaata allanngoriartornera ilaatigut pineqarput, taava aamma issittumi inuttut pisinnaatitaaffiit namminersornerlu aturatitsissutigineqassapput. Issittumi siunnersuisoqatigiit taama ilisimatitsipput.
Issittumi inatsisinik ilisimatusarusuttut pisortat isumaginnittoqarfiini, peqatigiiffinnilu issittoq pillugu ilisimasaqarnerulerusuttuni sulisinnaassapput.
