Issittumi imissaaleqisoqalersinnaavoq
Taanna silap pissusaata allanngoriartornera pillugu Iqalunni ataatsimeersuartoqarmat peqataaqqammerpoq.
Silap allanngoriartorneranik pissuteqarunartumik ukiuni kingullerni aasakkut siallerpallaartarunnaarlunilu ukiukkut nittaappiassaartalernikuuvoq.
Sila aamma kiannerusalermat, anorlernerusalermallu, imeq annertunerujartuinnartumik aalannguulluni nungukkiartulersarpoq. Tamanna ilisimatuunit aarlerinartoqartinneqarpoq:
- Illoqarfiit ilaat angisuunik imeqarfeqartarput, taakkunanilu imissaaleqisoqartarani. Illoqarfiit allat kuussuarninngaanniit imermik pissarsisarput, aalaakkaasumik imissaqarlutik, Paul Budkewitsch oqarpoq, nangillunili:
- Illoqarfiit allat sermersuarmit iminngortumit imermik pissarsisarput. Ajornartorsiulli tassaavoq sermersuit ilaasa sukkasuumik aakkiartuinnavimmata, ilisimatooq oqarpoq.
Innuttaasut taamaammat ukiunut imissaaleqiffiusinnaasunut piareersimaqquai, imeqarfiusinnaasunillu sanaqqullugit.
